Беларустең "БЕЛАЗ" заводы Башҡортостан менән станоктар төҙөлөшө буйынса хеҙмәттәшлек башларға ниәтләй. “БЕЛАЗ” йәмғиәте делегацияһы эш сәфәре менән Өфөгә килде. Һөйләшеү барышында хеҙмәттәшлектең сәнәғәт кооперацияһы, перспективалы йүнәлештәре буйынса фекер алышынды. Холдинг вәкилдәре республикабыҙҙың ҡеүәтле предприятиеларында булды. Унда етештереү ҡеүәттәре менән танышты. Беларускә Башҡортостанда етештерелгән станоктар һәм метал эшкәртеү ҡоролмалары оҙатыу мөмкинлектәре ҡаралды.
