Стәрлетамаҡ районында милли проект буйынса юл ремонтлау ваҡытынан алда тамамланды. Республика Хөкүмәтенән хәбәр итеүҙәренсә, Стәрлетамаҡ – Красноусол трассаһының Оло Ҡуғанаҡ ауылы аша үткән өлөшөндә 2 километрҙан ашыу арала асфальт түшәлде. Бының өсөн 29 миллион һум тотонолған. Ремонт яңы инновациялы алымды ҡулланып башҡарылған. “Хәүефһеҙ сифатлы юлдар” милли проектына ярашлы, быйыл Өфө һәм Стәрлетамаҡ агломерацияларында 41 километр оҙонлоҡта 16 юл участкаһы тәртипкә килтерелә.
