Башҡортостан вәкилдәре Саха-Яҡут республикаһында китапханасылар йыйынында ҡатнаша. Бөтә Рәсәй фәнни-ғәмәли конференцияһында тиҫтәләгән төбәктән белгестәр йыйылды. Унда махсус китапханаларҙың йәмғиәттең мәҙәни тормошондағы урыны буйынса фекер алышыу ойошторолдо. Форумда беҙҙең республиканан Мәкәрим Төхвәтшин исемендәге Башҡортостан һуҡырҙар өсөн махсус китапханаһы директоры Айгөл Әминева сығыш яһаны.
