Республикала юғары уҡыу йортарына ҡабул итеү кампанияһы дауам итә. Рәсәйҙең иң яҡшы 10 ауыл хужалығы вузы исемлегенә ингән Башҡорт дәүләт аграр университеты быйыл 10 процентҡа күберәк абитуриеттар ҡабул итергә ниәтләй. Уҡыу йорто факультеттарында 70-тән ашыу һөнәр буйынса юғары белем алырға була. Иң популяр йүнәлештәр – энергетика, ер төҙөлөшө һәм урман хужалығы, иҡтисад, ауыл хужалығын механизациялау. Университет ректоры Илдар Ғәбитов һөйләй.
Вуздарға Берҙәм дәүләт имтихандары һөҙөмтәләре буйынса уҡырға инергә теләгән абитуриенттарҙан ғаризалар 25 июлгә тиклем ҡабул ителә.
