Өфөлә ирекле сауҙа өсөн урындар исемлеге тәҡдим ителде. Баш ҡала хакимиәтенән хәбәр итеүҙәренсә, 35 майҙансыҡта 570-тән ашыу сауҙа урыны бар. Бында баҡсасыларҙан тауарҙарын һатҡан өсөн түләү алынмай. Ирекле сауҙа урындары исемлеге менән мэрия сайтында танышырға була. Башҡортостан Башлығы Радий Хәбиров ҡушыуы буйынса һәр ҡала һәм районда баҡсасыларға һатыу өсөн махсус йыһазландырылған урындар бушлай бирелергә тейеш.
