Радий Хәбиров республикала халыҡ өсөн ял парктары һанын арттырырға кәрәк, тигән тәҡдим менән сыҡты. Бөгөн Хөкүмәттәге оператив кәңәшмәлә шул турала һөйләшеү булды. Уҙған аҙнала Өфөнөң Сипайлово биҫтәһендә “Ҡоштар” скверы асылды. Республика башлығы ял паркын юғары кимәлдә булыуын билдәләне. Ял парктарын асыу ғәҙәти ваҡиға булырға тейеш, тип белдерҙе ул.
Теманы дауам итеп. Республика халҡы парк һәм скверҙарҙа күберәк эскәмйә һәм сүп-сар һауыттары күрергә теләй. “Инцидент-менеджмент” системаһында теркәлгән мөрәжәғәттәрҙең күбеһе шуға ҡайтып ҡала. Хөкүмәттәге оператив кәңәшмәлә Башҡортостан Башлығының социаль коммуникациялар буйынса идаралығы етәксеһе урынбаҫары Дмитрий Черенков һөйләй.
