Башҡортостанда мәҙәниәт һәм сәнғәтте үҫтереү буйынса дәүләт программаһы раҫланды. Документ Хөкүмәт ултырышында ҡабул ителде. Программа 2028 йылға тиклем иҫәпләнгән. Премьер-министр Андрей Назаров билдәләүенсә, республика мәҙәни саралар үҙәгенә әүерелә бара. “Евразия йөрәге” сәнғәт фестивале, “Көмөш Аҡбуҙат” кино фестивале, Ильдар Абдразаҡов һәм Владимир Спиваковтың музыкаль фестивалдәре күптән танылыу алды. Былтыр Башҡортостанда 82 миллиондан ашыу кеше мәҙәни сараларҙы ҡараған. “Мәҙәниәт” милли проекты буйынса республикала ойошмаларҙың матди-техник базаһы нығытыла.
