Башҡортостанда өс йылда 193 мең литр суррогат алкоголь тартып алынған. Республика буйынса Эске эштәр министрлығынан хәбәр итеүҙәренсә, былтыр полиция рөхсәтһеҙ спиртлы эсемлектәр етештергән 5 йәшерен цех эшмәкәрлеген туҡтатҡан. Хәмер һатҡан өсөн 2 меңдән ашыу кеше административ яуапҡа тарттырылған. Республика Башлығы Радий Хәбиров социаль селтәрҙә яҙыуынса, алкоголь менән ағыуланыу осраҡтары дүрт тапҡырға кәмене. Башҡортостанда алып барылған айыҡлыҡ хәрәкәте ыңғай һөҙөмтәләр бирә.
