Республикала халыҡ һәм бизнесҡа 7 миллиард һумға кредит каникулы хупланған. Башҡортостан Милли банкынан хәбәр итеүҙәренсә, 4 меңгә яҡын граждан һәм 1 меңдән ашыу эшҡыуар көрсөккә ҡаршы ярҙам сараһы менән файҙаланған. Кредит каникулы санкциялар арҡаһында ҡатмарлы финанс хәлдә ҡалған кешеләр һәм компанияларға бирелә. Бынан тыш, ҡайһы бер банктар клиенттары өсөн айырым программалар тәҡдим итә.
