Һыуҙан ҡала, уттан ҡалмай. Бөрйән районында янғында 2 кешенең ғүмере өҙөлгән. Байназар ауылында бер йортта сыҡҡан ут кәртә-ҡаралтыны ла ялмап ала һәм күрше өйгә тоҡана. Янғында 37 йәшлек ҡатын һәм 10 йәшлек ҡыҙ һәләк булған, йәрәхәт алыусылар ҙа бар. Иң беренселәрҙән булып ярҙамға ауыл биләмәһе башлығы Айрат Салауатов килә.
Бөрйән районы ҡатын-ҡыҙҙар советы рәйесе Рәмилә Салауатова һүҙҙәренсә, әлеге мәлдә ғаиләләргә матди ярҙам кәрәк.
