Башҡортостанда ураҡ кампанияһы башланды. Көйөргәҙе, Йәрмәкәй, Туймазы райондары ужым бойҙайын сабыуға төштө. Республика башлығы Радий Хәбиров белдереүенсә, быйыл 1 миллион 757 мең гектарҙа уңыш йыйып алырға кәрәк. Уның 262 мең гектары - ужым ашлығы, миллион ярым гектары - яҙғы бойҙай һәм ҡуҙаҡлы культуралар. Мәләүез районының “Салауат” хужалығы ураҡ эштәренә тулыһынса әҙер. Баш агроном Рәзилә Яманаева әйтеүенсә, быйыл уңыш мул көтөлә.
