Бөгөн Кушнаренко районы Яҡуп ауылында фельдшер-акушер пункы асылды. Тантанала Һаулыҡ һаҡлау министры Айрат Рәхмәтуллин ҡатнашты. Яңы бина тейешле талаптарға яуап бирә. Ул заманса ҡорамалдар менән йыһазландырылған, пациенттар һәм хеҙмәткәрҙәр өсөн уңайлы шарттар булдырылған. Яҡын арала Мәмәк һәм Солтанай ауылдарында ла яңы фельдшер-акушер пункттары асыу ҡарала, тип хәбәр иттеләр район хакимиәтенән.
