Радий Хәбиров социаль селтәрҙә яҙыуынса, беҙҙең республика илдең оборона комплексы өсөн мөһим продукция етештереүселәр рәтендә. - Стратегик предприятиеларға ярҙам итәбеҙ, импортты алмаштырыу буйынса эш алып барабыҙ. Яңы эш урындары булдырыла, сәнәғәттең конкуренция мөмкинлеге арта. "Армия - 2022" форумында Европа, Азия, Африка һәм Латин Америкаһы дәүләттәре делегациялары ҡатнаша. Был Рәсәйҙең санкцияларға ҡарамай донъяла мөһим урын алып тороуын дәллиләй, - ти Радий Хәбиров.
