Унда республика музыканттарынан башҡа, Рәсәй төбәктәре һәм Ҡаҙағстандан ҡунаҡтар ҡатнашты. Музыкаль сара Аҡъяр ауылы паркында үтте.
Майҙанда йәш музыканттар әҫәрҙәре лә, ретро рок-композициялар ҙа яңғыраны. Сәхнәгә «Аҡъяр», «Рух», «Бөркөт» рок-төркөмдәре күтәрелде. «Дәрүиш Хан» төркөмө программаның махсус ҡунағы булып сығыш яһаны.
Фестивалдә ҡатнашыусылар фекеренсә, бындай саралар милли рокты популярлаштырыуға булышлыҡ итә. Рок-фестиваль 2011 йылдан бирле үткәрелеп килә.
Рәзилә Ғиниәтуллина
