Бөгөн Өфөлә ошо мәсьәлә буйынса Дәүләт сәйәсәте концепцияһын тормошҡа ашырыуға йүнәлтелгән ведомство-ара эш төркөмө ултырышы үтте. Башҡортостан Йәмәғәт палатаһы Аппараты етәксеһе Шамил Вәлиев фекеренсә, нахаҡҡа рәнйетелгәндәр хаҡында мәғлүмәт һәр кем өсөн асыҡ булырға тейеш.
Шамил Вәлиевтың яҡындары ла сәйәси репрессияларға дусар ителә. Ул олатаһы тураһында ошоларҙы һөйләне.
30 октябрҙә илдә Сәйәси золом ҡорбандарын иҫкә алыу көнө билдәләнә. Советтар Союзында 1937-1938 йылдарҙа 1 миллион 700 мең кеше нахаҡҡа хөкөм ителә, уларҙың 725 меңе атып үлтерелә. Республикала һөргөнгә ебәрелгәндәр һәм атылғандар һаны 50 мең кеше самаһы тип иҫәпләнә.
