Бөгөн Белем көнө. Дәүләкән лицей-интернатында быйыл 160 бала белем ала. Уҡыу йорто директоры Артур Солтанов әйтеүенсә, лицейҙа аграр кластар булдырылған.
Уҡытыусы Эльвира Фәхретдинова Дәүләкән лицей-интернатында 27 йыл эшләй. “Балаларға белем биреп кенә ҡалмайбыҙ, йыр-бейеүгә өйрәтәбеҙ”, - ти педагог.
Әҙилә Шарапова 5 класта белем ала башлай. Ул башҡорт әҙәбиәтен айырыуса ярата, шиғыр һөйләүселәр конкурстарында ҡатнаша.
Бөгөн Белем көнөндә республиканың бөтә уҡыу йорттарында тантаналы линейкалар ойошторолдо.
