Ул бөгөн башланды. Тәүҙә ауыл һәм ҡалаларҙы тәрипкә килтереү саралары ойошторола. Һәр шәмбе хакимиәттәрҙә юл, парк, сквер һәм ихаталар таҙартыла. 24 сентябрь – дөйөм ағас ултыртыу көнө. Көҙгө акцияла 47 меңдән ашыу төп ағас ултыртыу ҡарала. “Ауыл һәм ҡалаларҙы йәшелләндереү изге эш. Балаларыбыҙға өлгө күрһәтергә тейешбеҙ”, - ти билдәле селекционер, Өфө лимонарийы етәксеһе Фәриҙә Садыҡова.
Торлаҡ-коммуналь хужалыҡ министрлығынан хәбәр итеүҙәренсә, “Йәшел Башҡортостан – Өфө” тип аталған сайт булдырылған. Унда ҡаланы йәшелләндереү буйынса тәҡдимдәр һәм фекерҙәр ҡабул ителә.
