«Салауат Юлаев» хоккей клубының әрме хеҙмәтенән азат ителеү өсөн ҙур күләмдә ришүәт тапшырыуҙа ғәйепләнгән икенсе тәрбиәләнеүсеһенә ҡарата хөкөм ҡарары сығарылды.
Санкт-Петербургтың “СКА” хоккей командаһы вәкиле Михаил Воробьевҡа 2 миллион һум күләмендә штраф һалынды. Спортсының ғәйебен танып үкенеүе һәм бәләкәй балаһы булыуын иҫәпкә алып, суд прокурорҙың 3 миллион һум күләмендәге штраф һорауын кире ҡаҡты.
Иҫегеҙгә төшөрәбеҙ, аҙна башында шул уҡ енәйәт эше буйынса тикшереү үткән хоккейсы Әнүәр Сөләймәнов шартлы рәүештә 5 йылға иркенән мәхрүм ителде.
Рәзилә Ғиниәтуллина
