Тамара Танһыҡҡужина Рәсәйҙең атҡаҙанған тренеры Николай Кычкин иҫтәлегенә ойошторолған Бөтә Рәсәй рус шашкалары буйынса ярышта ҡатнашып, Яҡут республикаһынан Матрена Ноговицынанан еңелде.
Бишенсегә ойошторолған юбилей турнирҙың тура трансляцияһы Башҡортостан юлдаш телевидениеһында күрһәтелгәйне. Матчтың өс партияһы өскә-өс иҫәбе менән тамамланды. Тай-брейктың беренсе ике партияһы ла тигеҙ күрһәткес менән үтте. Әммә өҫтәмә микроматчта донъя чемпионы Матрена Ноговицина көслөрәк булып сыҡты. Һөҙөмтәлә 7:5 иҫәбе менән ул еңеү яуланы.
Гөлназ Хәйбуллина
