Республикала геопарк төшөнсәһе закон менән нығытыла. Дәүләт Йыйылышы – Ҡоролтай сентябрҙәге пленар ултырышта ошоға бәйле ҡанун проектын ҡабул итергә ниәтләй. Документҡа геопарк биләмәһе төшөнсәһе, төп маҡсаттары һәм үҫеш йүнәлештәре күрһәтелгән. Башҡортостанда “Янғантау” һәм “Торатау” геопарктары булдырылды. Тәүгеһе Бөтә донъя ЮНЕСКО исемлегенә инде.
