Бөгөн Хөкүмәттә оператив кәңәшмәлә вице-премьер – Ауыл хужалығы министры Илшат Фәзрахманов ураҡ барышы менән таныштырҙы. Хужалыҡтар урып-йыйыуҙы тамамлай. Гектарынан яҡынса 29 центнер уңыш алына. Ҡайһы бер райондарҙа төшөм күпкә юғары. “Быйыл уңыш яҡшы, әммә уны һаҡлау мәсьәләһе барлыҡҡа килде“, - тине Илшат Фәзрахманов.
Республикала хужалыҡтар ҡарабойҙар, майлы культураларҙы ла ура, шулай уҡ шәкәр сөгөлдөрөн ҡаҙыу бара.
