Бөгөн Хөкүмәттә оператив кәңәшмәлә беренсе вице-премьер – Иҡтисади үҫеш һәм инвестицион сәйәсәт министры Рөстәм Моратов шулай тип белдерҙе. Мәскәүҙә үткән осрашыуҙа республикала ислам финанслауын ҡулланып махсус административ район булдырыу мәсьәләһе ҡаралды. Бындай биләмәлә айырым иҡтисади һәм хоҡуҡи нормалар ғәмәлдә була. Ул милли офшор юрисдикция алымынан ғибарәт.
Беренсе вице-премьер Рөстәм Моратов уҙған аҙнала Нуриман районында үткән стратегик сессияға ла туҡталды. Унда Мәскәүҙән Рәсәй Стратегик тикшеренеүҙәр үҙәге белгестәре ҡатнашты. Форум ваҡытында республикала Евразия иҡтисади үҙәген һәм махсус административ район булдырыу мәсьәләләре буйынса фекер алышыу булған.
