“Авангард” хәрби-патриотик үҙәгендә “Йәйге шайморатов уйындары” уҙҙы. Мәктәп уҡыусылары Рәсәй Геройы, генерал-майор Миңлеғәле Шайморатов исемендәге кубок өсөн көрәште. Ярышта “шайморатов кластары”нда белем алған егеттәр һәм ҡыҙҙар ҡатнашты. Уйындар патриотик тәрбиә биреү, телде һаҡлау һәм тыуған илгә хөрмәт уятыу кеүек маҡсаттарҙы үҙ эсенә ала, ти Мәғариф һәм фән министры урынбаҫары Әлфиә Ғәлиева.
Республика мәктәптәрендә быйыл Миңлеғәле Шайморатов исемендәге 79 класс булдырылды. уларҙың 40-ы бөгөн “Йәйге йәш шайморатовсылар уйындары”нда сығыш яһаны.
