Республиканың иң популяр блогерҙарының береһе - Радий Хәбиров. Уның яҙғандарын аҙна һайын уртаса 1 миллион 800 мең тапҡыр ҡарайҙар. Был турала Республика менән идара итеү үҙәгенән хәбәр итәләр. Бөгөнгә Республика Башлығының сәхифәләренә 295 434 интернет-ҡулланыусы яҙылған. Радий Хәбировтың "Бәйләнештә", "Класташтар"ҙа сәхифәләре бар, быйыл телеграм-каналы булдырылды. Республика Башлығының сәхифәһендәге бер мөрәжәғәт тә яуапһыҙ ҡалмай, бөтә хәбәрҙәр "Инцидент-менеджмент" системаһына теркәлә. Проблема тулыһынса хәл ителгәнгә тиклем контролдә була. - Социаль селтәр өсөн ваҡыт күп кәрәк. Әммә Республика Башлығы уны таба. Халыҡ мәнәфәғәттәренә, асыҡлыҡҡа өҫтөнлөк бирелә, - ти Республика Башлығының социаль бәйләнештәр буйынса идаралығы етәксеһе Елена Прочаковская.
