Башҡорт атлылары Бородинола ҡатнашты. Мәскәү өлкәһендә халыҡ-ара хәрби-тарихи фестиваль уҙҙы. Быйыл 1812 йылғы Ватан һуғышындағы Бородино алышына 210 йыл тулды. Фестивалдә 80-дән ашыу хәрби-тарихи клубтан 1 меңдән ашыу кеше ҡатнашты. Башҡортостан исеменән “Любизар” хәрби-тарихи клубы ағзалары сығыш яһаны. Бородино яланында тирмә ҡоролдо, башҡорт тоҡомло аттар алып барылды. Делегация етәксеһе, Башҡортостандың атҡаҙанған мәҙәниәт хеҙмәткәре Илдар Шәйәхмәтов һөйләй.
“Любизар” хәрби-тарихи клубы һәр реконструкцияла башҡорт аттары менән бергә ҡатнаша. Беҙҙең егеттәр башҡорт атын пропагандалау һәм һаҡлауға ҙур өлөш индерә, тип дауам итә Илдар Шәйәхмәтов.
