65 километр оҙонлоҡтағы юл Илеш, Дүртөйлө һәм Саҡмағош райондары аша һалына. Ул Исәмәт, Үрге Йәркәй, Лаяшты, Ишҡар һәм Әсән ауылдарын урап үтә. “Проект төбәктә экологик хәлде яҡшыртыуға, кешеләр именлеген һаҡлауға йүнәлтелгән. Федераль трасса аша йөрөгән транзит транспорт ауылдарҙы ситләп уҙыуы күптән көтөлгән күренеш”, - ти республика Йәмәғәт палатаһы аппараты рәйесе Шамил Вәлиев.
Трасса төҙөлөшөн 2024 йылда тамамлау ҡарала.
