Күләмле дата уңайынан Бөтә донъя башҡорттары ҡоролтайы тарафынан ҡасандыр арҙаҡлы шәхес йәшәгән йорт янында хәтер сараһы үтте. Осрашыуға күренекле сәнғәт әһеленең туғандары, мәҙәниәт тармағы вәкилдәре һәм йәмәғәтселәр саҡырылды. Һәр кем күңел түрендә ижадсы тураһында һаҡлаған яҡты хәтирәләре менән уртаҡлашып, мемориаль таҡтаташҡа ҡәнәфер сәскәләре һалыуҙа ҡатнашты.
Рафиҡ Вафа улы – башҡорт профессиональ музыка сәнғәтенә нигеҙ һалыусыларҙың береһе. Ижадында йыр төп жанрҙарҙың береһе була, патриотик һәм лирик йүнәлештәге әҫәрҙәре менән халыҡ күңелен арбай. Балаларға ла бай ижади мираҫ ҡалдыра.
Гөлназ Хәйбуллина
