Гектар ҡеүәте уртаса 29 центнер. Республика Хөкүмәте Премьер-министры урынбаҫары – Ауыл хужалығы министры Илшат Фәзрахманов бөгөн Хөкүмәттә оператив кәңәшмәлә белдереүенсә, ураҡ тамамланып килә. “Майҙандарҙың 91 процентында эштәр теүәлләнде”, - тине министр.
Республикала шулай уҡ шәкәр сөгөлдөрө ҡаҙыу дауам итә. Был культура 19 районда үҫтерелә. “190 мең тонна татлы тамыр йыйып алдыҡ”, - тине Илшат Фәзрахманов.
Раевка һәм Шишмә шәкәр заводтарында 97 мең тонна шәкәр сөгөлдөрө эшкәртелгән, 13 мең тонна самаһы продукция сығарылған.
