Президент Владимир Путин бөгөн халыҡҡа мөрәжәғәт итте. Дәүләт башлығы Рәсәй именлеген һәм бойондороҡһоҙлоғон һаҡлау өсөн Оборона министрлығының өлөшләтә мобилизация тәҡдимен хупланы. Ҡораллы көстәргә саҡырыу саралары бөгөн башлана.
Владимир Путин Донецк һәм Луганск халыҡ республикалары, шулай уҡ Херсон һәм Запорожье өлкәләрендә Рәсәй составына инеүгә бәйле референдум ойоштороуҙо хупланы. Тауыш биреү 23-27 сентябрҙә үтә.
Рәсәйҙә 300 меңдән ашыу кеше Ҡораллы көстәргә саҡырыу ала. Оборона министры Сергей Шойгу әйтеүенсә, армияға запаста булған хәрбиҙәр саҡырыла.
Сергей Шойгу әйтеүенсә, бөгөн Рәсәй Украина менән һуғышмай, ә коллектив көнбайыш һәм НАТО-ға ҡаршы тора.
