Башҡортостан Дәүләт Йыйылышы – Ҡоролтай рәйесе урынбаҫары Рөстәм Ишмөхәмәтов шулай тип иҫәпләй. Ижевск ҡалаһындағы мәктәптәрҙең береһендә атыш булды. 17 кешенең ғүмере өҙөлдө. Уларҙың 11-е балалар.
Әле мәғариф учреждениеларын шәхси һаҡ предприятиелары хеҙмәткәрҙәре һаҡлай. Әммә балаларҙың именлеге профессионалдар яуаплылығында булырға тейеш, тигән фекерҙә Рөстәм Ишмөхәмәтов.
Әлеге осорҙа ата-әсәләр ҙә мәктәптәге именлекте тәьмин итеүҙә ҡатнашырға тейеш. Дежур итеүҙе ойошторорға мөмкин. “Ата-әсәләр профессиональ һаҡты алмаштырмай. Әммә улар хәүефһеҙлек сараларын көсәйтеүгә өлөш индерә ала”, - ти вице-спикер.
