Унда “Минең документтарым” үҙәге аша дәүләт хеҙмәттәре күрһәткән белгестәр ҡатнаша. Бөгөн илдең иң яҡшы күп функциялы үҙәге конкурсына йомғаҡ яһалды. Беҙҙең республика “Иң яҡшы төбәк күп функциялы үҙәктәр селтәре” һәм “Күп функциялы үҙәктең иң яҡшы проекты” номинациялрында еңеү яуланы. Башҡортостан башҡа төбәктәр өсөн өлгө булып тора, тине Рәсәйҙең иҡтисади үҫеш министры урынбаҫары Алексей Херсонцев.
Республикала күп функциялы үҙәктәрҙең ил буйынса иң ҙур селтәрҙәренең береһе эшләй, бында көн һайын 10 меңгә яҡын кешегә 350 дәүләт һәм муниципаль хеҙмәт күрһәтә. Күп фунциялы үҙәктәрҙе артабан да үҫтереү һәм камиллаштырыу йәһәтенән эш алып барасаҡбыҙ, тине Республика Премьер-министры Андрей Назаров.
Иртәгә форумда ҡатнашыусылар өсөн түңәрәк өҫтәл ойошторола. Унда үҙәк эшмәкәрлеген үҫтереү, яңы эш алымдары хаҡында фекер алышыу була.
