Хәҙер Миңлеғәли Шайморатов һәм Александр Доставалов исемендәге батальон яугирҙарына ла бандероль ебәрергә була. Баш ҡала хакимиәтенән ошо турала белдерҙеләр. “Посылка тышына һалдаттың исем-шәрифен һәм телефон номерын яҙыу мотлаҡ. Шулай уҡ посылканы ебәреү көнө күрһәтелергә тейеш. Хәрбиҙәргә эске йылы кейем, бирсәткә, баш кейеме, йоҡо тоғо, ямғырлыҡтар, гигиена кәрәк-яраҡтары ебәреү хуплана. Дарыуҙар фабрика ҡабында булырға тейеш. Тиҙ иҫкерә торған аҙыҡ-түлек, алкоголь һәм быяла һауыттар һалырға ярамай.
