Башҡортостанда мобилизацияланған ир-егеттәрҙең ғаиләләренә өҫтәмә ярҙам күрһәтелә. Бөгөн Радий Хәбиров Республика көнөнә арналған тантаналы ултырышта ошо турала белдерҙе.
Радий Хәбиров Башҡортостан халҡын дәүләт байрамы менән ҡотланы. “Республикала сәнәғәт һәм ауыл хужалығы үҫешә, яңы предприятиелар асыла, инвестициялар арта”, - тине ул.
Республика Башлығы Радий Хәбиров бөгөн бер төркөм яҡташтарыбыҙға дәүләт наградалары тапшырҙы. Башҡортостандың халыҡ артисы Фидан Ғафаров, ғалим Инга Гвоздикова һәм скульптор Салауат Щербаков Халыҡтар дуҫлығы ордены менән бүләкләнде. Фидан Ғафаров тәьҫораттары менән уртаҡлаша.
Бөгөн шулай уҡ Салауат Юлаев исемендәге дәүләт премияһы лауреттары тәбрикләнде. Был турала киләһе сығарылышта һөйләрбеҙ.
