Мәләүездең гүзәл заттары махсус хәрби операцияла ҡатнашыусыларға кейем тегеү буйынса цех асҡан. Улар яҡташтарыбыҙға флис кейемдәр тегә.
Хәрбиҙәргә ярҙам итеү башланғысын иң беренсе Елена Давыдова күтәреп сыҡҡан. Ул Рәсәйҙә өлөшләтә мобилизация иғлан ителеү менән йортондағы бүлмәне оҫтахана итеп үҙгәртә.
Изге эшкә төбәктең башҡа ҡатын-ҡыҙҙары ла дәррәү ҡушыла. Уларҙың береһе – Эльза Семавина. «Фәрештәнең алтын ҡулы» ирекмәндәр йәмәғәт хәрәкәте координаторы фронт өсөн тактик носилкалар етештереү менән шөғөлләнә. Был процесс айырыуса ҡатмарлы, шуға ла ул тегенселәрҙән теүәллек талап итә.
