Унда Татарстан Дәүләт Советы рәйесе Фәрит Мөхәмәтшин ҡатнаша. Парламент етәксеһе Башҡортостанға килгәс тә Өфө дәүләт нефть-техник университеты менән танышты. Заманса йыһазландырылған лаборатория һәм аудиторияларҙы ҡараны, студенттар менән аралашты. Фәрит Хәйрулла улы 1979 йылда ошо юғары уҡыу йортон тамамлай. “Нефть һәм газ тармағын үҫтереү өсөн тәжрибәле кадрҙар кәрәк. Уларҙы әҙерләүҙә Башҡортостан университетының өлөшө ҙур”, - тине Фәрит Мөхәмәтшин.
Закон сығарыу органдары берләшмәһе ултырышында ҡаралған төп темаларҙың береһе һанлы технологияларға бәйле.
