Башҡортостан Йәмәғәт палатаһы аппараты етәксеһе, Халыҡ фронты төбәк штабы рәйестәше Шамил Вәлиев шулай тип белдерҙе. Уның фекеренсә, Башҡортостан Башлығы менән тура бәйләнеш барышында халыҡ көнүҙәк мәсьәләләр: мобилизация, хәрбиҙәргә түләүҙәр, яугирҙәрҙең ғаиләләренә дәүләт ярҙамы хаҡында һорашасаҡ. “Махсус хәрби операция тамамланыр. Унан һуң кешеләрҙе ниндәй тормош көтә? Был төп һорауҙарҙың береһе була”, - тип фаразлай Шамил Вәлиев.
Башҡортостан Башлығы Радий Хәбиров менән тура бәйләнеш бөгөн киске сәғәт 7-лә була. БСТ, “Башҡортостан 24”, “Вся Уфа”, “Сәләм”, UTV телеканалдары, “Юлдаш” һәм Башҡортостан радиоһы тура трансляция алып бара. Былтыр халыҡ менән аралашыу 4 сәғәттән ашыу дауам итте. Республика етәксеһенә социаль селтәрҙәр аша 4 мең 700 самаһы һорау, шулай уҡ 200-ҙән ашыу видеомөрәжәғәт ҡабул ителде.
