Өлөшләтә мобилизация һәм уға бәйле инвалид балаларҙың аталарын Ҡораллы көстәргә алыу мәсьәләһе көнүҙәк булыр, тип иҫәпләй “Ҡаршылыҡтарҙы еңеп” коммерция булмаған ойошма директоры Алина Хәбирова.
“Ауыл һәм ҡала кешеләрен борсоған проблемалар бер-береһенән айырыла. Әммә уларҙы ҡыҙыҡһындырған уртаҡ мәсьәлә бар. Ул – хаҡтар”, - ти Башҡортостан Йәмәғәт палатаһы ағзаһы Ирина Абрамова.
Башҡортостан Башлығы Радий Хәбиров менән тура бәйләнеш бөгөн киске сәғәт 7-лә башлана. Уның барышын БСТ, “Башҡортостан 24”, “Вся Уфа”, “Сәләм”, UTV телеканалдарында ҡарарға, “Юлдаш” һәм Башҡортостан радиоһында тыңларға була.
