Ул Дағстан урамы киҫелешенән «Көмөш шишмә» биҫтәһенә тиклем бер саҡырым тирәһе арауыҡты үҙ эсенә ала. Эш барышы менән БЮТ хәбәрсеһе Рәмилә Исмәғилева таныштыра.
Яңыраҡ ҡына бында ҡыр өйрәктәре йөҙә ине. Улар ауыр техника тауышынан ҡурҡып киткәнме, әллә йылы яҡҡа осҡанмы... Һәр хәлдә, башҡаса ҡоштар бында эйәләшә алмаҫ. Сөнки Дим биҫтәһенең үҫешкән яғына табан юл һуҙыла.
Коммуникациялар 50 йыл элек һалынған һәм уларҙы алмаштырырға ваҡыт еткән, ти заказсылар. Эш барышында юл проектына үҙгәрештәр индерелгән.
Быйыл ҡыш ҡомташ түшәү, ямғыр һыуы канализацияһы төҙөү ҡаралған. Юл ике яҡ йүнәлешендә лә 16 метр киңлектә икешәр һыҙатлы була.
Подрядсы ойошма вәкилдәре белдереүенсә, объектты киләһе йылдың дүртенсе кварталында файҙаланыуға тапшырыу күҙаллана.
Рәмилә Исмәғилева
