Ижади бәйгелә 30 район һәм ҡаланан 130-ҙан ашыу уҡыусы ҡатнашты. Конкурста Ишембай районынан Әхмәтзәки Вәлиди исемендәге 2-се башҡорт гимназия-интернаты уҡыусыһы Ғәлиә Шәрипова абсолют еңеүсе булды. Ул “Урал батыр” йәш сәсәндәр республика конкурсында бала саҡтан ҡатнаша.
Әхмәтзәки Вәлиди исемендәге 2-се башҡорт гимназия-интернатының башҡорт теле һәм әҙәбиәте уҡытыусыһы Фаягөл Әмирханова әйтеүенсә, “Урал батыр” эпосы балаларҙы тәрбиәләүҙә мөһим урын алып тора. Педагог төрлө йылдарҙа өс абсолют еңеүсе әҙерләгән.
“Урал батыр” йәш сәсәндәр республика конкурсында Баймаҡ, Бөрйән, Мәсетле, Йылайыр, Белорет райондары, Сибай һәм Өфө ҡалаларынан уҡыусылар бүләкләнде.
