Күрһәтмәгә Башҡортостан Башлығы Радий Хәбиров ҡул ҡуйҙы.
Документҡа ярашлы, махсус хәрби операцияла ҡатнашыусылар һәм уларҙың ғаилә ағзалары торлаҡ йортто зәңгәр яғыулыҡҡа тоташтарыу өсөн сертификат алырға хоҡуҡлы.
Мобилизация осоронда улар шулай уҡ ҡаты коммуналь ҡалдыҡтарҙы сығарыу хеҙмәттәре өсөн түләүҙән азат ителәсәк. Тағы ла бер ярҙам сараһы – торлаҡ йорттарҙы һәм башҡа ҡаралты-ҡураларҙы йылытыу өсөн һатып алынған урман үҫентеләренә ташламалы хаҡ билдәләүгә ҡағыла.
