Мәктәп уҡыусыларының көҙгө каникулы башланды. Ҡотҡарыусылар балаларҙы өйҙә яңғыҙ ҡалдырмаҫҡа кәңәш итә. Республика автоинспекторҙары юл ҡағиҙәләрен теүәл үтәргә өндәй. Балаларҙың кейеменә яҡтыртҡыс элементтар беркетергә кәрәк. Был да хәүефһеҙлек сараһы, ти Юл хәрәкәте хәүефһеҙлеге дәүләт инспекцияһы хеҙмәткәре Ленар Зиннуров:
Ҡараңғы ваҡытта төҫлө кейем кейергә кәңәш ителә. Сәғәтенә 60 километр тиҙлектә хәрәкәт иткән водитель аҡ кейемле йәйәүлене – 55, ҡара кейемдәгеһен 18 метрҙан күрә. Яҡтылыҡ ҡайтарыусы элементтар 130-150 метрҙан күҙгә ташлана. Үткән ял көндәрендә Өфөлә генә 140-ҡа яҡын юл-транспорт ваҡиғаһы теркәлгән. 11 кеше имгәнгән.
