Хаҡлы ялдағы пенсионер кәбеҫтәне күп үҫтерә. “Рима Әхтәри ҡыҙы оҙаҡ йылдар ашнаҡсы булып эшләне. Ул аш-һыуға оҫта”, - ти ауылдаштары. “Тоҙланған кәбеҫтә витаминдарға бай. Йәшелсәне яугирҙәргә изге теләктәр теләп кенә әҙерләнек”, ти Рима Ипаева.
Бөрйән ҡатын-ҡыҙҙары ла яугирҙәрҙе хәстәрләй. Район Ағинәйҙәр ҡоро етәксеһе Рәшиҙә Ғиззәтуллина беҙгә ошоларҙы хәбәр итте.
Ҡырмыҫҡалы районы Иҫке Муса ауылы ҡатын-ҡыҙҙары мобилизацияланған ир-егеттәргә киптерелгән ҡорот әҙерләй. Һөт ризығының тәүге партияһы хәрби әҙерлек пункттарына ебәрелгән. Иҫке Мусала йәшәүселәр башҡа райондарҙы ла “Һалдатҡа башҡорт ҡорото” флешмобына ҡушылырға өндәй.
