Башҡортостан башлығы Радий Хәбиров предприятие водителдәренә яңы техникаларҙың асҡыстарын тапшырып, алыҫ маршруттарҙы хеҙмәтләндерәсәк транспорт мөмкинлектәре менән танышты.
Белгестәр билдәләүенсә, Ҡытайҙа сығарылған автобус «хаҡы-сифаты» буйынса көнбайыш аналогтарынан күпкә өҫтөн. Пассажирҙар ташыу буйынса хәүефһеҙлек талаптарына тулыһынса яуап бирә. Осрашыу сиктәрендә республика етәксеһе компания автопаркын яңыртыу буйынса артабан да ярҙам күрһәтеләсәк тип белдерҙе.
Яңы автобустар ҡала-ара даими маршруттарҙы хеҙмәтләндерәсәк. Шулай уҡ уларҙы Халыҡ-ара, Рәсәй, республика кимәлендәге сараларҙа файҙаланыу ҡаралған. Салондары 51 урынға иҫәпләнгән, Глонасс спутник системаһы, тахограф, кондиционер, һыуытҡыс менән йыһазландырылған. «Башавтотранс» предприятиеһы етәксеһе Надир Сәмиев билдәләүенсә, туристик класслы уңайлы автобустарға ихтыяж ҙур.
