Һуңғы йылдарҙа Хәйбулла районында хоҡуҡ һаҡсылары тырышлығы менән енәйәтте асыҡлау күрһәткесе яҡшыра. Райондың эске эштәр бүлеге етәксеһе вазифаһын ваҡытлыса башҡарыусы Юнир Нәҙерғолов белдереүенсә, хеҙмәткәрҙәр һәр 10 енәйәттең 8-ҙен асыҡлауға ирешә.
Район эске эштәр бүлегенә ҡараған 7 бүлексәлә аттестацияны уңышлы үткән 80-ләп белгес эшләй. Хоҡуҡ һаҡсылары сафтарына йәштәрҙең күпләп килеүе лә ҡыуаныслы күренеш. Улар тәжрибәле хеҙмәттәштәре менән бер рәттән үҙ бурыстарын намыҫ менән үтәй.
