Башҡортостанда йәмәғәт транспорты пассажирҙары юл йөрөүгә ташлама биргән «Мир» картаһы түләү системаһы акцияһы менән әүҙем файҙалана. Тәүге ике айҙа төбәк халҡы акция ярҙамында экономиялаған аҡса күләме 3 млн һумға барып еткән. Шул уҡ ваҡытта юл йөрөү өсөн смартфон ярҙамында иҫәпләшеү бер ярым тапҡырға артҡан.
Республикала йәмәғәт транспортында йөрөү өстән бер өлөшкә арзанайҙы. Смартфондағы «Мир» картаһы менән иҫәпләшкәндә юл хаҡы тағы ла түбәнерәк. Ольга ла айҙан ашыу инде милли түләү системаһы менән файҙаланып ярайһы ғына аҡсаһын кеҫәһендә ҡалдырған.
Йәмәғәт транспортына ултырған һайын 7 һум аҡса экономиялар өсөн тап смартфон аша иҫәпләшергә кәрәк. Уның Android базаһында, NFC контактһыҙ түләү функцияһы булыуы ла мөһим. Әгәр бөтә ошо шарттар мөмкин икән, телефонға «Мир»картаһын индереү генә лә етә. Был тәңгәлдә Mir Pay йәки Samsung Pay мобиль түләү сервистары ярҙам итә ала.
Юл йөрөүгә ташлама контактһыҙ иҫәпләшеү терминалы булған бөтә трамвай, троллейбус һәм автобуста ла ғәмәлдә. Бынан тыш, акцияла «Алға».виртуаль картаһы ла ҡатнаша. Әгәр ҙә ул «Мир» картаһына бәйләнгән булһа, бөтә булған ташлама дөйөмләштерелә. Акция йыл аҙағына тиклем дауам итә. Тимәк, әлегә милли түләү системаһы тәҡдимдәре менән файҙаланып, юлға киткән сығымдарҙы экокнмияларға өлгөрөргә мөмкин.
