Күп балалы һәм инвалид бала тәрбиәләгән ғаиләләргә ер урынына 250 мең һумлыҡ сертификат 2020 йылдан бирелә. Документты ипотека кредитын алыу өсөн тәүге иғәнә итеп файҙаланырға, ипотека кредитының суммаһын ҡапларға, йорт төҙөргә, ремонтларға мөмкин. Ул ҡулаҡсаға әйләндерелмәй.
Меңенсе сертификатты алыусы ғаилә Бүздәк районында йәшәй, өс ул үҫтерә, уларҙың береһе студент, икеһе мәктәп йәшендә. Күп балалы ғаилә ер участкаһы алыуға өсөнсө улдары тыуғас та, 2014 йылда иҫәпкә торған.
Республика Хөкүмәте Премьер-министры Ер һәм мөлкәт мөнәсәбәттәре көнө уңайынан министрлыҡта эшләүселәргә Маҡтау ҡағыҙҙары тапшырҙы. Һөнәри байрам 1991 йылдың 29 октябренән билдәләнә.Тап шул көндә Башҡортостанда дәүләт милке менән идара итеү комитеты булдырылған.
