Өфөлә һаулыҡ һаҡлау хеҙмәткәрҙәре профсоюздары конференцияһы үтте

Кәңәшмәлә Рәсәйҙең өс төбәгенән килгән килгән профсоюз лидерҙары, медицина даирәһе идарасылары ҡатнашты. Конференцияла сығыш яһаған спикерҙар табибтарға, медицина хеҙмәткәрҙәренә, айырыуса коронавирус инфекцияһы менән зарарланыусы пациенттар менән эшләүселәргә хеҙмәт хаҡын күтәреү мәсьләһенә туҡталды. Профсоюз лидерҙары медицина хеҙмәткәрҙәренең эш хаҡын әлеге окладтан 55-60 процентҡа күтәреү тәҡдиме менән сығыш яһай.

Лайыҡлы хеҙмәт хаҡы түләү медицина тармағында көнүҙәк мәсьәлә. Сөнки һәи төбәк хеҙмәт хаҡын түләүҙә үҙ системаһын булдырған. Хеҙмәт хаҡының оклад өлөшө, премиялар менән дәртләндереүҙә лә айырмалыҡтар ярайһы. Беҙ хеҙмәт хаҡын түләүҙә берҙәм ҡараш булһын өсөн ошо ҡорға йыйылдыҡ.

Рауил Хәлфин, Башҡортостан һаулыҡ һаҡлау хеҙмәткәрҙәре профсоюзы рәйесе

Беҙҙең төп маҡсат-медицина хеҙмәткәрҙәренең хоҡуҡтарын яҡлау. Тәү сиратта был - лайыҡлы хеҙмәт хаҡы. Ҡыҙғанысҡа, медицина хеҙмәткәрҙәренә эш хаҡын күтәреү тураһында пилот проекты 2025 йылға тиклем кисектерелеп торҙо. Был конференцияла хеҙмәт хоҡуҡтарын яҡлау буйынса уртаҡ фекергә килербеҙ, тип уйлайым.

Татьяна Сивохина, Һамар өлкәһе һаулыҡ һаҡлау хеҙмәткәрҙәре профсоюзы рәйесе
Башбат
Нет наркотикам
Акции БСТ
БАШКОРТТАР-БСТ