Уларға тейешле медицина ярҙамы күрһәтелә. Был турала төбәктең һаулыҡ һаҡлау министрлығы хәбәр итә. Йоғошло ауырыуҙар госпиталенә ун туғыҙ уҡыусы эләккән. Улар барыһы ла Туймазы районы Серафимовка һәм Түбәнге Троицкое ауылдары белем усаҡтарынан.
Роспотребнадзор мәғлүмәттәре буйынса, Башҡортостанда бөйөр синдромлы геморрагик биҙгәк йоҡтороу осраҡтары йыш күҙәтелә, айырыуса ул Өфө, Благовещен һәм Туймазы райондарында теркәлә. Ғәҙәттәгесә, инфекцияның таралыу осрағы көҙгө һәм ҡышҡы осорға тура килә. Был сысҡандарҙың популяцияһы артыуына бәйле.
