Махсус режим Йылайыр ауыл советы биләмәһендә индерелгән, ул участка республиканың һунарсылар һәм балыҡсылар ассоциацияһы күҙәтеүе аҫтында теркәлгән. Карантин саралары хәлһеҙләнгән ҡоралайҙы күргәндән һуң индерелгән.
Хайуан кешеләрҙе күреү менән ҡасмай, ә белгестәр килеп еткәнсе һәләк булған. Пастереллез инфекцияһы карантины ваҡытында ауыл хужалығы хайуандарын ҡырҙа көтөү, был биләмәгә индереү йәки сығарыу тыйыла. Шулай уҡ сирле хайуандар менән бәйләнештә булған мал аҙығы ла тикшерелә.
