Сәләмәтлекте хәстәрләп. Был аҙна Рәсәйҙә калорийҙарҙы иҫәпләү аҙналығы тип иғлан ителгәйне. Акция бөгөн билдәләнгән Халыҡ-ара һимереүгә ҡаршы көрәш көнөнә арналды.
Аҙыҡ-түлектең калорияһын иҫәпләү ябығыу һәм сәләмәтлекте яҡшыртыуҙа иң һөҙөмтәле, хәүефһеҙ ысул тип һанала. Диетологтар әйтеүенсә, көндәлек рационда бала-саҡтан ашап өйрәнгән аҙыҡ булырға тейеш. Ит, ярма, йәшелсә - организмды кәрәкле матдәләр менән байытырға һәм оҙайлы ваҡыт туҡ тоторға ярҙам итә. Фастфуд йәки тиҙ бешерелә торған аҙыҡтан баш тартырға кәңәш ителә.
